Бүлүү бөлөх улуустарын уунан хааччыйыы программатыгар олоҕуран, быйыл нэһилиэнньэлээх пууннарга 12 ууну ыраастыыр ыстаансыйа тутуллуо. Бу туһунан Айсен Николаев бэҕэһээ быһа эфир кэмигэр кэпсээтэ, диэн иһитиннэрэр СИА.
«Ааспыт сыл атырдьах ыйыгар Иирэлээххэ даамбаны уу суурайан, ыарахан быһыы-майгы үөскээбитэ биһигини элбэххэ үөрэттэ. Билигин АЛРОСА экология боппуруоһугар сыһыана уларыйда. Ордук Бүлүү өрүс экосистематын харыстааһыҥҥа», – диэтэ Айсен Николаев.
Ил Дархан сыл бүтүөр диэри Бүлүү бөлөх улуустарын нэһилиэнньэлээх пууннарыгар 12 ууну ыраастыыр ыстаансыйа тутуллуо диэтэ.
Кини иһитиннэрбитинэн, АЛРОСА сылын аайы эмсэҕэлээбит оройуоттарга ууну ыраастыыр тутуулары туруорарыгар 150-нуу мөл.солк. көрөр. Маны сэргэ, хампаанньа нэһилиэнньэ наадыйыытынан техника ылан биэриэхтээх. Быйылгы дьылга Бүлүү бөлөхтөрү уунан хааччыйыыны сайыннарыы программатынан 200 мөл.солк. көрүллэр.
