Ил Дархан бээтинсэтээҕи эфирин таһынан ЭИСИ регионнар бырагыраамаларын департаменын салайааччыта Дарья Кислицынаны кытта холбоһуктаах «Регионы о главном. Коронавирус» медиабырайыакка кыттыаҕа, СИА-ҕа өрөспүүбүлүкэ сүрүн пресс-сулууспата иһитиннэрдэ.


Бүгүн, ыам ыйын 7 күнүгэр, Айсен Николаев федеральнай эксперы кытта коронавирус тула Саха сирин дьонун-сэргэтин олоҕун-дьаһаҕын туһунан кэпсэтиэхтэрэ. Дьаҥы тарҕаппат туһугар ханнык миэрэлэр ылыллан үлэлииллэрин, итиэннэ хааччахтааһыны устуу былаанын истиэхпит.

Трансляцияны Айсен Николаев уонна ЭИСИ (regpractice_eisr) Instagram-гар көрүөххэ сөп. Саҕаланыыта 20.00 ч., Дьокуускай бириэмэтинэн.

Бээтинсэҕэ, ыам ыйын 8 күнүгэр, 20.00 чааска өрөспүүбүлүкэ баһылыга нэдиэлэ аайы ыытыллар быһа эфирин тута түөрт социальнай ситиминэн көрүөххэ сөп. Манна, буоларын курдук, нэдиэлэ түмүгэ уонна нэһилиэнньэ ыйытыытыгар хоруйдааһыннар. Эфири Айсен Николаев Instagram, Facebook, ВКонтакте уонна Одноклассниках сирэйдэригэр көрүөххэ сөп.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.