Урбаанньыт Анатолий Бурнашев 2015 с. Дьокуускай куораттан төрөөбүт дойдутугар, Кэптэнигэ, көһөн тахсан, бааһынай хаһаайыстыба тэриммитэ. 2016 с. дьиэ кэргэн бааһынай хаһаайыстыбатын өйүүр граҥҥа кыттан, 100 сүөһүнү атыылаһан ылбыта. Былырыын хаһаайыстыбаҕа 65 ньирэй төрөөбүтэ. Быйыл — 85 төбө.
«Билигин барыта 267 сүөһүлээхпит. Бастакы хотоммутун 2015 с. тутан үлэҕэ киллэрбиппит. 2016 с. грант ылан, ньирэй турар сирин туппуппут. Быйыл хотоннорбутун кэҥэтэр былааннаахпыт. Ынах сүөһү ахсаанын 250-тан түһэрэр санаам суох. Кыһынын 12 киһи, сайын тоҕус киһи үлэлиир. Орто хамнаспыт 35 тыһ.солк. тэҥнэһэр. Үүппүтүн «Мүрү аска» туттара олоробут. Күҥҥэ 600 туонна үүтү туттарабыт«, — диэн бэлиэтиир кини.
Хаһаайыстыба билигин сайылыкка 105 ынаҕы ыыр, 85 ньирэйи көрөр.
Аграфена КУЗЬМИНА, «Саха сирэ» хаһыат, edersaas.ru
