28 Кулун тутар 28.03
  • -11°
  • $ 92,59
  • 100,27

Айсен Николаев “Биир ньыгыл Арассыыйа” политическай баартыйа видеоконференциятыгар кытынна

09:49, 10 сентября 2018
Текст:
Читайте нас на
Яндекс Новости
ЯДВ

Балаҕан ыйын 10 күнүгэр сарсыарда 4 чааска “Биир ньыгыл Арассыыйа” политическай баартыйа федеральнай штабын видеоконференцията буолла, манна баартыйа салайааччыта Дмитрий Медведев кытынна. Кини быыбар хампаанньата уустук соҕустук уонна киэҥ хабааннаахтык барбытын кэпсээтэ. 2018 сыл балаҕан ыйын 9 күнүгэр Бүттүүн куоластааһын күнүгэр Арассыыйа 52 субъегар быыбар буолла: 26 региоҥҥа – үрдүкү дуоһунастаах сирэйгэ, 16 региоҥҥа – Сокуону оҥорор мунньах дьокутааттарыгар.

Дмитрий Медведев төһө да сытыы киирсии буолбутун үрдүнэн, барыллаан куолаһынан баартыйа туруктаахтык кыттыбытын бэлиэтээтэ.

Быһа кэпсэтии кэмигэр өрөспүүбүлүкэ Ил Дарханын э.т. Айсен Николаев Саха сиригэр быыбар барыллаан түмүктэрин туһунан билиһиннэрдэ: “ Төһө да бэҕэһээ хаардаах, тымныы күн буолбутун үрдүнэн, быыбардааччы 50 %  кэлбитэ. Биһиги “Биир ньыгыл Арассыыйа” иһин куоластааһын муҥутуур историческай кэрдииһин ситистибит. Быыбардааччылар 56 быр. баартыйа иһин куоластаатылар. Бу түмүктэр соччо уларыйыахтара суоҕа диэн эрэнэбит, биир мандааттаахтары аахсан “Биир ньыгыл Арассыыйа” Саха сирин парламеныгар үгүс ахсааны ылыаҕа диэн чопчу этэр кыахтаахпыт”.

Үчүгэй сонуннары иһитиннэрбитин иһин Дмитрий Медведев Айсен Николаевы эҕэрдэлээтэ: “Барыллаан түмүгүнэн көрдөрүүгүт олус үчүгэй, ити эрэллээх кыайыыны мэктиэлиир”.

Санатан эттэххэ, Саха сирин Киин быыбардыыр хамыыһыйатын барыллаан чахчытынан, Саха сирин Ил Дарханын быыбарыгар Айсен Николаев иһин быыбардааччылар 80,59 % куоластаабыттара, диэн регион Ил Дарханын уонна бырабыыталыстыбатын пресс-сулууспата иһитиннэрдэ.

Следите за самым важным и интересным в Telegram-канале и WhatsApp-группе ЯСИА