Сыстыганнаах дьаҥҥа сутуллуу ахсаана аҕыйаан иһэр буоллаҕына, сорох хааччахтааһыннар от ыйын 2 күнүттэн уһуллуохтарын сөп. Айсен Николаев бэс ыйын 29 күнүнээҕи брифинг кэмигэр эттэ.
Саха сирин баһылыга эппитинэн, ааспыт сууккаҕа COVID-19 ыалдьыбыт 50 саҥа киһи эбиллибит. Дьокуускайга – 37, бу ыам ыйын 21 күнүттэн саамай кыра көрдөрүү.
Өрөспүүбүлүкэ үрдүнэн төрдүс күнүн саҥа 50 — 60 ыалдьыы баара бэлиэтэнэр.
«Биһиги сорукпут – баар балаһыанньаны тупсаран иһии. Бары миэрэни тутуһар ирдэнэр. Көрдөрүү маннык баран иһэр буоллаҕына, от ыйын 2 күнүттэн сорох хааччахтааһыннары устуохпутун сөп», — диэтэ Айсен Николаев.
Кини бэлиэтээбитинэн, Саха сиригэр 222 тыһыынча кэриҥэ анаалыс оҥоһуллубут. Бу дойдуга саамай үрдүк көрдөрүү, нэһилиэнньэтин ахсааныгар таһаардахха.
