29 Кулун тутар 29.03
  • -13°
  • $ 92,26
  • 99,71

Айсен Николаев: Бүддьүөт үлэһиттэрин хамнаһа үрдүүрүн туһугар бары миэрэлэри ылыахпыт

14:55, 08 июня 2018
Текст:
Читайте нас на
Яндекс Новости
ЯДВ

Дойду бэрэсидьиэнэ Владимир Путины кытта “быһа сибээс” кэмигэр Саха сириттэн ыйытыы киирбитэ. Үп-экономическай коллеһын преподавателэ Михаил Ваганов 2018 сыл саҥатыгар хамнас үрдээн баран, онтон тоҕо аччаабытай диэн ыйыппыта.

“Мин суһаллык бырабыыталыстыба бэрэссэдээтэлин солбуйааччы Алексей Дьячковскайы уонна үөрэх миниистирин Владимир Егоровы ыҥырбытым, борокуратуураны кытта сибээстэспитим”, — диэн Айсен Николаев сонуну киэҥник тарҕатар сириэстибэлэргэ иһитиннэрбитэ.

“Үп-экономическай коллеһын үлэһиттэригэр хамнастарын уопсай кээмэйэ аччыа суоҕа диэн эрэнэбин. Михаил Сергеевич Вагановы кытта хамнас намыһаҕынан хаалыа диэн иһитиннэриини хантан истибитин туһунан кэпсэтиэҕим. Бүддьүөт эйгэтин үлэһиттэрин хамнаһа түспэтин туһугар миэрэлэри ылыахпыт”, — диэн СӨ Ил Дархан э.т. Айсен Николаев эттэ.

Аркадий Васильев.

Следите за самым важным и интересным в Telegram-канале и WhatsApp-группе ЯСИА