НВК САХА – Саха сиригэр тыа хаһаайыстыбатын сайыннарар сыалтан 2020 сылтан сүөһү иитэр хаһаайыстыбалар үп-харчы көмөтүн ылалларыгар ирдэбил уларыйыа. Бу туһунан СӨ баһылыгын уонна бырабыыталыстыбатын пресс-сулууспата иһитиннэрдэ.
“Бүгүҥҥү күҥҥэ бырагыраама ирдэбилинэн тэриллиилээх хаһаайыстыбалар 100-тэн итэҕэһэ суох төбө сүөһүлээх буолуохтаахтар. Номнуо аныгыс сылтан 25 ыанар ынахтаах тэрилтэлэргэ көмө көрүллүөҕэ. Барыллаан ааҕыынан, бу Саха сиригэр ыанар ынах ахсааныттан 10% тэҥнэһэр”, – диэн Айсен Николаев бэлиэтээтэ.
Ил Дархан этэринэн, маннык уларыйыылар өрөспүүбүлүкэҕэ тыа хаһаайыстыбатын сайыннарарга көмө буолуоҕа.
Источник: http://nvk-online.ru