19 Кулун тутар 19.03
  • -16°
  • $ 91,98
  • 100,24

Айсен Ефимов Ыччат сылын бэлиэтин оҥордо

15:09, 22 ноября 2016
Текст:
Читайте нас на
Яндекс Новости
ЯДВ

СӨ Ыччат дьыалаларыгар уонна дьиэ кэргэн бэлиитикэтин министиэристибэтэ буолаары турар Ыччат сылын бэлиэтин (логотип) оҥорууга ыыппыт күрэхтэһиитин түмүктээтэ. 


Күрэскэ 28 кыттааччыттан 55 үлэ киирбит. Куоластааһын түмүгүнэн, 15 чаҕылхай үлэ талыллыбыт. Балартан сыымайдаан, бастыҥтан бастыҥ үлэлээх Татьяна Андросова, Магомед Бекбетов, Анатолий Габышев, Айаал Дмитриев, Айсен Ефимов, Елена Иванова, Екатерина Никифорова, Анастасия Парфеева, Роман Романов, Лена Тарабукина уонна Игорь Федоров үлэлэрин киэҥ дьүүллэһиигэ таһааран, хамыыһыйа Айсен Ефимов үлэтин чорботто. Ол курдук логотипка дьиэ кэргэн, чэчир (сайдыы уонна эдэр саас) уонна күн (саҥа саҕахтарга талаһыы) бэлиэлэрэ уруһуйдаммыт. Бу бэлиэ ыччаты инникигэ бигэ эрэллээх буоларга ыҥырар.

Айсен – Эдьигээн улууһун олохтооҕо, технология уонна дизайн кэллиэһин бүтэрбит. Кыайыылааҕы наҕараадалааһын Ыччат баалыгар – ахсынньы 16 күнүгэр ыытыллыаҕа.

Следите за самым важным и интересным в Telegram-канале и WhatsApp-группе ЯСИА