Бүгүн норуоттар ардыларынааҕы мигрант, арааб тылын күннэрэ. Арассыыйаҕа Ис дьыала уорганнарын Бэйэ куттала суох буолуутун (подразделения собственной безопасности) чаастарын күнэ.
Бүгүн «Бичик» кинигэ кыһатын сүрүн эрэдээктэринэн өр үлэлээбит Валерий Луковцев 60 сааһын бэлиэтиир.
Дьон тапталын киэҥник ылбыт киинэ артыыстара Юрий Никулин, Брэд Питт, режиссер, продюсер, үс төгүллээх «Оскар» бириэмийэ лауреата Стивен Спилберг төрөөбүт күннэрэ.
Ахсынньы 18 диэн Грегориан халандаарыгар сыл 352-с күнэ (ордук хонуктаах сылга 353-c күнэ). Сыл бүтүө 13 күн баар.
Бэлиэ күннэр:
- ХНТ — Дойдулар ардыларынааҕы мигрант күнэ
- ХНТ — Дойдулар ардыларынааҕы арааб тылын күнэ
- Арассыыйа — ЗАГС үлэһиттэрин күнэ
- Арассыыйа — Арассыыйа Ис дьыала уорганнарын Бэйэ куттала суох буолуутун чаастарын күнэ
- Молдавия — Полиция күнэ
Түбэлтэлэр:
- 1271 — Хубилай хаан бэйэтин импиэрийэтин аатын «Юань» (元 yuán) диэҥҥэ уларыппыт, инньэ гынан Кытайга Юань династията олохтоммут.
- 1833 — Арассыыйа импиэрийэтин өрөгөйүн ырыата «Боже, Царя храни!» бастакытын толоруллубут.
- 1865 — АХШ конституциятыгар кулуттааһыны суох оҥорор 13-с Көннөрүү ылыныллыбыт.
- 2011 — АХШ сэриилэрин бүтэһик чаастара Ираак сириттэн таһаарыллыбыттар. Кинилэр Ираакка 2003 сыллаахха Саддам Хусейн эрэсиимин сууллара киирбиттэрэ.
Төрөөбүттэр:
- 1921 — Юрий Никулин — киинэ артыыһа, клоун, тэлэбиидэнньэ ыытааччыта, Цветной бульвардааҕы сыырка дириэктэрэ, ССРС норуодунай артыыһа, Социалистыы Үлэ Дьоруойа.
- 1929 — Татьяна Григорьева — Илиҥҥи култуураны уонна философияны чинчийээччи, философия билимин дуоктара, профессор.
- 1931 — Николай Босиков — бэйиэт, сэһэнньит, ССРС суруйааччыларын Сойууһун чилиэнэ.
- 1946 — Стивен Спилберг — Америка киинэ режиссера уонна продюсера, үс төгүллээх «Оскар» бириэмийэ лауреата.
- 1960 — Валерий Луковцев — өр сыллар тухары (2020 сылга диэри) «Бичик» кинигэ кыһатын сүрүн эрэдээктэрэ, Баайаҕа нэһилиэгин (Таатта улууһа), Мэҥэдьэк нэһилиэгин (Ньурба улууһа) уонна Таатта улууһун Ытык киһитэ.
- 1963 — Брэд Питт — Америка киинэ артыыһа, «Оскар» бириэмийэ икки төгүллээх лауреата.
Өлбүттэр:
- 1968 — Пантелеймон Аргунов — Саха АССР оскуолаларын үтүөлээх учуутала, Иккис Аан дойду сэриитин кыттыылааҕа, бастаан Арҕаа фроҥҥа, онтон Дьоппуону утары сэриигэ кыттыбыта.
