Мэҥэ Хаҥалас улууһун тыа хаһаайыстыбатын управлениетын начаалынньыгынан үлэлээбит Иван Аргунов ааспыт сылтан төрөөбүт дойдутугар предприниматель. Кини «Агростартап» бырагыраамаҕа кыттан, граҥҥа тигистэ. Онон үүт соҕотуопкатынан дьарыктанар.


Мэҥэ Хаҥалас улууһун олохтооҕо Иван Аргунов хас да сыллаах уопутун, сатабылын туһанан, үүттэн бородууксуйа оҥорон таһаарар дьоҕус кэмбинээти үлэлэтэр ыра санаатын олоххо киллэрэр. Билигин өйө-санаата, түбүгэ барыта ол тула эргийэр. Тыа хаһаайыстыбатын министиэристибэтинэн ылбыт өйөбүлүн сөпкө туһанан, нэһилиэнньэни доруобай аһынан хааччыйар былааннаах.

СӨ Тыа хаһаайыстыбатын миниистирин бастакы солбуйааччы Татьяна Осипова, СӨ Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ  Андрей Находкин  уонна Мэҥэ Хаҥалас улууһун баһылыга Николай Старостин оробуочай сырыынан Бэдьимэ нэһилиэгэр сырыттылар, диэн суруйар ulus.media.

Биисинэс былаан көмүскээбитим. Бырайыагым сыала-соруга ‒ үүтү астыыр саҥа тэрили ылан үлэлэтии. Тэрилбитин соторутааҕыта соҕурууттан аҕалтардыбыт, таҥыллан кэллэ. Улахан болҕомтобутун хаачыстыбаҕа ууруохпут, онон грант харчытынан ас кэмбинээтин лабораториятын ыллым. Үлэлиир дьиэбит муниципальнай тэриллии эбийиэгэ. Билигин өрөмүөн үлэтэ барар итиэннэ от ыйын бүтүүтэ үлэҕэ киллэриэхпит диэн былаанныыбыт, ‒ диэн Иван Дмитриевич кэпсээтэ.

Олохтоох бэйэ үүтүттэн арыыны эрэ буолбакка, үүт ас араас көрүҥүн оҥорон таһаарар аппарааты хото үлэлэтэр баҕалаахтар. Атыыһыттары кытта дуогабардаһан батарыы үлэтин ыытыахтара. Тэрилтэ 4 үлэ миэстэтин таһаарыахтаах. Бастакы уочарат анал үөрэхтээх технолог уонна лаборант идэтигэр эппиэттиир үлэһиттэр баар буолуохтара.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.