29 Кулун тутар 29.03
  • -11°
  • $ 92,26
  • 99,71

Афанасий Владимиров: Болҕомтону Хоту улуустарга ууруохха

10:16, 05 сентября 2016
Читайте нас на
Яндекс Новости
ЯДВ

Атырдьах ыйын 31- балаҕан ыйын 2 күннэригэр Булуҥ улууһугар ыччат миниистирэ Афанасий Владимиров кэлэн барда. Кэлбит бастакы күнүгэр кини култуура-спорт комплексын аактабай саалатыгар улуус ыччатын кытта көрсөн кэпсэттэ.


Көрсүһүү кэмигэр кинопрокат менеджеригэр Высоких Алексейга үчүгэй үлэтин иһин диэн ис хоһоонноох диплому үөрүүлээх быһыыга-майгыга туттарда. “Төгүрүк остуол” кыттыылаахтара миниистиртэн интириэһэргиир боппуруостарын ыйыттылар. Бу кэннэ Афанасий Владимиров 1 Тиксии уонна 3 Тиксии бөһүөлэктэригэр олорор элбэх оҕолоох эдэр ыаллары кытары көрүстэ, кэпсэттэ.

Афанасий Владимиров:

Билии күнүгэр улуустарга ыытыллар линейкаларга хас сыл аайы бырабыыталыстыба чилиэннэрэ үгэс быһыытынан кыттыыны ылабыт. Бу сылга Булуҥ улууһугар миигин ыыттылар. Үөрэх миниистиринэн үлэлии сылдьан улуус нэһилиэктэринэн барытынан сылдьыбытым, онон Булуҥ улууһун бэрт үчүгэйдик билэбин. Түгэнинэн туһанан Тиксии уонна Булуҥ улууһун олохтоохторун Билии күнүнэн эҕэрдэбин тиэрдэбин.

Саха сиригэр бэрт элбэх көхтөөх, талааннаах эдэр дьоннор бааллар. Кинилэр ыччат министиэристибэтэ ыытар бырайыактарыгар, конференцияларыгар кытталлар, ону таһынан дойду үрдүнэн ыытыллар форумнарга кытталлар. Эдэр дьон өрөспүүбүлүкэ үрдүнэн ханнык бырагыраамаллар үлэлииллэрин билиэхтээхтэр, маны таһынан биһиги эдэр ыалга болҕомтобутун уурабыт. Билигин Хоту улуустарга улахан болҕомто ууруохха наада, оннук үлэ билигин бара турар. Холобура, “Молодежь Арктики” форум ыытыллыбыта, бу сылга форуму ыытары былаанныы сылдьабыт.

Биһиги биир сыалбыт буолар – оскуола иһинэн волонтердар этэрээттэрин тэрийии. Билигин Саха сирин үрдүнэн ити үлэ бара турар. Хомойуох иһин, Булуҥ улууһугар ити хамсааһын бытааннык барар. Ол курдук оскуолаларга баар үөрэнээччилэр түмсүүлэрин өйөөн, сүбэ-ама биэрэн, үлэлэһиэххэ наада. Онон биһиги бу хайысхаҕа үөрэх министиэристибэтин кытта бииргэ үлэлээн саҕалыахпыт. Ол курдук, Дьокуускай куорат 2000 кэриҥэ волонтердара норуоттар икки ардыларынааҕы “Азия оҕолоро” оонньууларга кыттыыны ылбыттара, субу састааптан 5 оҕо Рио-Де-Жанейро куоракка ыытыллыбыт Олимпийскай оонньууларга волонтер быһыытынан баран кэллилэр. Бу көхтөөх оҕолор баалларын көрдөрөр уонна кинилэргэ ханнык баҕарар ыытыллар улахан тэрээһиннэргэ итэҕэйэр.

Следите за самым важным и интересным в Telegram-канале и WhatsApp-группе ЯСИА