Абый улууһун саамай ыраах сытар Кэбэргэнэ учаастагар кыстыыр чох бүтүннүү тиэлиннэ. Бу туһунан ОДьКХ тэрилтэтин пресс-сулууспата иһитиннэрэр.
Навигация саҕаланыытыгар Индигир өрүһүгэр уу таһыма төһө да аҕыйах буоллар бу күннэргэ 2587 туонна чох тиэлиннэ, диир ОДьКХ Абыйдааҕы салаатын дириэктэрэ Егор Кардашевскай.
7,5 МВт кыамталаах хочуолунай нэһилиэк бары социальнай эбийиэктэрин итиэннэ олохтоохтор дьиэлэрин итиинэн хааччыйар. Оттук тохтобулун кэмигэр ОДьКХ үлэһиттэрэ ититии ситимнэрин, хочуоллары, носуос тэриллэрин өрөмүөннээтилэр, аныгы оттукка бэлэмнээтилэр.
Итиини кыраапык быһыытынан, улууска барытыгар, атырдьах ыйын 28 күнүгэр биэриэхтэрэ.
