Саха сирин Ил Дарханын э.т. Айсен Николаев өрөспүүбүлүкэ парламеныгар киллэрбит тустаах регионнааҕы сокуонун Ил Түмэн пленарнай мунньаҕар бэс ыйын 8 күнүгэр ылыннылар.
Муниципальнай таһымнаах дьокутааттары тохтотууга төрүөтүнэн Саха сирин Үрдүкү суутун апелляционнай быһаарыыта буолла, диэн регион пресс-сулууспата иһитиннэрэр.
Сокуон барылын билиһиннэрэригэр өрөспүүбүлүкэ Ил Дарханын уонна Бырабыыталыстыбатын дьаһалтатын салайааччыта Федор Борисов Саха сирин Үрдүкү суута Абый оройуонун борокуруорун административнай ирдэбилинэн Усуйаана оройуонунааҕы суутун быһаарыытын уларыппатах.
“Суут быһаарбытынан, дьокутааттар бөһүөлэктээҕи сэбиэттэрин сессията 2017 сыл бэс ыйын 22 күнүгэр ыытыллыбыт. Бу кэнниттэн уочараттаах уонна уочарата суох сессиялара 2017 сыл алтынньы 16 күнүгэр диэри ыытыллыбатахтар. Онон суут бэрэстэбиитэллээх уорган үлэлиир кыаҕа суоҕун билиммит”, — диэн Федор Борисов иһитиннэрдэ.
СИА.
Мария Васильева хаартыската
