29 Кулун тутар 29.03
  • -14°
  • $ 92,26
  • 99,71

Ааспыт сууккаҕа тоҕус ойуур баһаарын умуруордулар

13:01, 09 июля 2020
Текст:
Читайте нас на
Яндекс Новости
ЯДВ

Ааспыт сууккаҕа Бүлүү, Горнай, Нам, Таатта, Уус-Алдан, Чурапчы, Эбээн-Бытантай уонна Дьокуускайга барыта 9 ойуур баһаарын умуруордулар. Маныаха 446 киһи, 48 тиэхиньикэ үлэлээтэ. Бу туһунан СИА экология министиэристибэтин пресс-сулууспатыгар сигэнэн иһитиннэрэр.  


Саха сирин үрдүнэн 16 ойуур баһаарын умуруорууга үлэлэһэллэр, мантан 11 бохсулунна. Баһаар 931,20 га иэннээх сири сиэтэ. Түөрт уоту Дьааҥы улууһугар, үһү – Хаҥалас, Уус-Алдан улуустарыгар, икки уоту Намҥа, биирдии баһаары Кэбээйи, Муома, Бүлүү уонна Горнай улуустарыгар умуруораллар.

Баһаардар нэһилиэктэргэ, экономика эбийиэктэригэр кутталлара суохтар диэн министиэристибэ пресс-сулууспата иһитиннэрэр.

Санатабыт, өскөтүн уот көрдүгэнин көрбүт буоллаххытына 8-4112-44-74-76 эбэтэр 8-800-100-94-00 нүөмэрдэргэ эрийэн биллэриҥ. Ойуурга уоту сэрэхтээхтик туттуҥ диэн экология министиэристибэтэ ыҥырар.

Следите за самым важным и интересным в Telegram-канале и WhatsApp-группе ЯСИА
Тутаах тыллар