Өрөспүүбүлүкэ үрдүнэн 19 ойуур баһаарын умуруорууга үлэлэһэллэр, онтон сэттэтэ бохсулунна. Бу туһунан экология харыстабылын министиэристибэтин пресс-сулууспатыгар сигэнэн, СИА иһитиннэрэр.
Уот 1 480 га сири сиэтэ. Ааспыт сууккаҕа 3 уоту Дьааҥы, Таатта, Томпо улуустарыгар, ыраах сытар сирдэргэ биэс ойуур баһаарын умуруордулар. Уоту умулуннарыыга 767 киһи, 64 техника үлэлээтэ.
Ыраах сытар 256 904 га иэннээх сиргэ 78 уот көрдүгэнэ баара биллэр. Балары космическэй сириэстибэлэринэн кэтииллэр. Баһаардар нэһилиэктэргэ, экономика эбийиэктэригэр суоһаабаттар.
Экология министиэристибэтэ ойуурга уот көрдүгэнин көрбүт буоллаххытына 8-4112-44-74-76 эбэтэр 8-800-100-94-00 нүөмэрдэргэ эрийэн биллэрэргитигэр көрдөһөр. Ойуурга уоту сэрэхтээхтик туттаргытыгар ыҥырар.
