Өрөспүүбүлүкэ үрдүнэн 19 ойуур баһаарын умуруорууга үлэлэһэллэр, 10-на бохсулунна. Бу туһунан экология харыстабылын министиэристибэтин пресс-сулууспатыгар сигэнэн, СИА иһитиннэрэр.
Өрөспүүбүлүкэ үрдүнэн 19 ойуур баһаарын умуруорууга үлэлэһэллэр, 10-на бохсулунна. Уот 549,80 га сири сиэтэ. Түөрт баһаары Дьааҥы улууһугар, үһү Нам, икки уоту Мэҥэ-Хаҥалас, Томпо, Чурапчы улуустарыгар, биирдиини Ленскэй, Нерюнгри, Горнай, Кэбээйи, Мииринэй, Муома улуустарыгар умуораллар.
Ааспыт сууккаҕа Үөһээ Бүлүү, Горнай, Таатта, Уус-Алдан, Хаҥалас улуустарыгар алта баһаары умуруордулар, сэттэ уоту ыраах сытар сирдэргэ. Манна 454 киһи, 33 техника үлэлээтэ.
Ыраах сытар сирдэргэ 69 уот көрдүгэнэ баара биллэр. Балары космостан маныыллар.
Баһаардар нэһилиэктэргэ, экономика эбийиэктэригэр кутталлара суохтар диэн министиэристибэ пресс-сулууспата иһитиннэрэр.
Экология министиэристибэтэ ойуурга уот көрдүгэнин көрбүт буоллаххытына 8-4112-44-74-76 эбэтэр 8-800-100-94-00 нүөмэрдэргэ эрийэн биллэрэргитигэр көрдөһөр. Ойуурга уоту сэрэхтээхтик туттаргытыгар ыҥырар.
