Уус Алдан улууһун Лөгөй нэһилиэгин баһылыгар Россия Силиэстийэлиир кэмитиэтин Саха сиринээҕи тэрилтэтэ сулууспаҕа балаһыанньанан туһанан атын киһи баайын иҥэринии иһин холуобунай дьыаланы тэрийдэ.
Силиэстийэ быһаарбытынан, нэһилиэк баһылыга Далы сэлиэнньэтигэр Аҕа дойду Улуу сэриитин кыттыылаахтарыгар өйдөбүнньүк бэлиэлэри оҥоробун уонна туруорабын диэн тупсарыыга анаммыт үбү-харчыны уорбут.
2014 сыл алтынньытыгар кини билэр предпринимателин кытта пааматынньыгы оҥорууга бассыабай дуогабары оҥорсубуттар.
Предприниматель баһылык уорар санаалааҕын билбэккэ, анал счетугар киирбит харчыны устубут уонна баһылыкка биэрбит.
72 тыһыынчаттан тахса солк. баһылык бэйэтин тус наадатыгар туттубут.
Холуобунай дьыала чэрчитинэн ирдэниллэр силиэстийэлиир тэрээһиннэр билигин да бара тураллар.
Бэрэбиэркэ түмүгүнэн холуобунай дьыала тэриллибит.
