29 Кулун тутар 29.03
  • -14°
  • $ 92,26
  • 99,71

Аҕа дойду Улуу сэриитэ саҕаламмыт күнүгэр анаммыт акцияны тэрийдилэр

14:57, 22 июня 2016
Текст:
Читайте нас на
Яндекс Новости
ЯДВ

Бүгүн, бэс ыйын 22 күнэ. 1941-1945 с.с Аҕа дойдуну көмүскүүр Улуу сэрии саҕаламмыт күнэ. Бу күн «Тууймаада саллаата» мемориальнай комплекска «Өйдөбүнньүк» акция буолла. 202 микрооройуон сиригэр-уотугар 100 чуорааны ыйаатылар. Чуорааннар тыастара Улуу Кыайыы, эйэлээх олох хайдахтаах курдук сыананан кэлбитин санатар соруктаахтар.


«Победа в Великой отечественной войне 1941-1945 годов» тэрилтэ салайааччыта Галина Лебедева акция кыттыылаахтарын эҕэрдэлээтэ.

«75 сыл аннараа өттүгэр олохтоох бириэмэнэн 10 чааска Аҕа дойдуну көмүскүүр Улуу сэрии саҕаламмыта. Бүгүн Москваҕа сэрии толоонугар олохторо быстыбыт саллааттары өйдөөн-санаан ааһар акцияны саҕалаата. Биһиги Сахабыт сирэ ити дьоһун тэрээһиҥҥэ үөрүүнэн кыттыһар. Биһиги ыйаабыт чуорааннарбыт дьулаан, киһи аймах историятыгар саамай элбэх киһи олугун толук ылбыт сэрии кыттыылаахтарын туһунан санатыаҕа. Бу тэрээһин үгэскэ кубулуйуо диэн бүк эрэнэбин», — диэтэ кини.

Ыччат, дьиэ кэргэн политикатын миниистирэ Афанасий Владимиров саха саллааттарыгар сүгүрүйэрин, онтон ыччат эйэлээхтик, үтүөтүк олороругар, айымньылаахтык үлэлииригэр, айарыгар-тутарыгар ыҥырда.

«Фашиһы утары сэриилэспит саллааттар муҥутуур улахан хорсун быһыыны көрдөрбүттэрэ. Саха саллааттарын ортолоругар бэргэн ытааччылар, бастыҥ авиатордар, танкистар, о.д.а бааллара. Сэрии ыар сылларыгар уҥуохтара кытаата илик оҕолор холкуостарга дьулуурдаах үлэлэринэн кыайыыны уһансыбыттара. Сэрии саллааттарын, тыылга үлэлээбиттэр тустарынан өйдөбүнньүк өлбөөрүө суохтаах», — диэн Аҕа дойду Улуу сэриитин бэтэрээнэ Василий Александров эттэ.

Акцияҕа кытта кэлбит дьон мемориальнай комплекс тииттэригэр чуорааннары ыйаатылар.

Следите за самым важным и интересным в Telegram-канале и WhatsApp-группе ЯСИА