29 Кулун тутар 29.03
  • -10°
  • $ 92,26
  • 99,71

6-с №-дээх холуонньа үлэһиттэрэ тимирэн эрээччилэри быыһаатылар

15:47, 12 июля 2016
Текст:
Читайте нас на
Яндекс Новости
ЯДВ

Накаастабылы толорор федеральнай сулууспа (УФСИН) үс үлэһитэ Покровскай таһыгар Өлүөнэ өрүскэ тимирэн эрэр дьону быыһаата.


Үс эр киһи уонна биир дьахтар тыынан устан иһэн түҥнэстибиттэр. Быыһыыр сэлиэччигэ суох дьон тымныы ууга түһэн, тимирэ сыһа-сыһа көмөҕө ыҥыран хаһытаспыттар.

Дьолго, тыы түҥнэстибит сирин таһыгар 6-с №-дээх холуонньа үлэһиттэрэ Владимир Злыденнай, Игорь Сергеев уонна Юрий Киргинцев балыктыы сылдьыбыттар. Көмөҕө ыҥырар хаһыыны истэн, тутан турбут балыктыыр тэриллэрин быраҕаттаан, мотуордарын собуоттаан, өрүс үөһүгэр дьону быыһыы киирбиттэр. Өрүс күүстээх долгуна ууга түспүттэри сабыта охсуолаан, дьулурҕатык аллараа диэки, бэйэ-бэйэлэриттэн тэйиччи быраҕаттаабыт. УФСИН үлэһиттэрэ барыларын быыһаан, чугастааҕы биэтэккэ таһаарбыттар, бастакы медицинскэй көмөнү оҥорбуттар. Бэл  кинилэр тыыларын уонна сорох малларын-салларын быыһаабыттар.

Управление начальнига, ис сулууспа полковнига Владислав Дзюба быыһааччылары – 6-с №-дээх холуонньа үлэһиттэрин кытта көрсүһүүгэ кинилэр хорсун быһыыларын иһин махтанна.

Следите за самым важным и интересным в Telegram-канале и WhatsApp-группе ЯСИА
Тутаах тыллар