Ил Дархан Егор Борисов Бэлиитикэ уонна экономика коммуникациятын агентствота таһаарбыт тохсунньутааҕы рейтинигэр 85 регионтан 38-с миэстэҕэ таҕыста. Бу рейтиҥҥэ регион лидердэрэ федеральнай кииҥҥэ төһө сабыдыаллаахтарын сыаналаатылар.


Сүүрбэ бастыҥнар кэккэлэригэр киирбиттэр олус күүстээх сабыдыаллаах лидердэр быһыытынан сыаналаналлар. Салгыы кэлэр отут салайааччы – күүстээх сабыдыаллаахтарга киирсэллэр. Онтон 50-тан аллараа түспүттэр ортонон сыаналаналлар.

Бу агентство  ахсынньыга Егор Борисовы 40-с миэстэҕэ туруорбута. Оттон тохсунньуга кэлэн икки миэстэнэн үөһээ таһааран, 38-с миэстэҕэ киллэрдэ. Бу бөлөххө Уһук Илин регионтан Камчатка губернатора Владимир Илюхин (31), Приморье губернаторын э.т. Андрей Тарасенко (43), Сахалин салайааччыта Олег Кожемяко (47) бааллар.

Онтон атын регионнар салайааччылара Вячеслав Шпорт (Хабаровскай кыраай), Роман Копин (Чукотка), Владимир Печенай (Магадан), Александр Козлов (Амур уобалаһа), Александр Левенталь (Еврей автономнай уокурук) 55-тэн аллараа туруоруллубуттар.

Рейтинг лидердэринэн Москва мэра Сергей Собянин, Чечня баһылыга Рамзан Кадыров, Тюмень губернатора Владимир Якушев буоллулар.

0
0
comments powered by HyperComments