29 Кулун тутар 29.03
  • -10°
  • $ 92,26
  • 99,71

45 тыһыынча киһи халаантан эмсэҕэлиэн сөп

12:14, 06 апреля 2016
Текст:
Читайте нас на
Яндекс Новости
ЯДВ

Быйыл сааскы халаан кэмигэр Саха сирин 121 нэһилиэнньэлээх пууна ууга былдьаныан, 45 тыһыынча киһиэхэ хоромньу тахсыан сөп. Ити туһунан хааччыйыы государственнай кэмитиэтин салайааччытын э.т. Дмитрий Лепчиков эттэ.


«Халааҥҥа бэлэм буолар туһугар саамай бөрүкүтэ суох быһыыны-майгыны сабаҕалыыбыт. Саха сиринээҕи Гидрометеокиин муус устар 15 күнүгэр чопчу сабаҕалааһыны биэриэҕэ», —диир кини.

Сааскы халаан кэмигэр тыҥааһыннаах балаһыанньа охсуутун мүлүрүтэргэ үлэ барар. Ууга былдьаныан сөптөөх түөлбэ испииһэгэр киирэр нэһилиэнньэлээх пууннарга ураты болҕомто ууруллар. Бүгүҥҥү ааҕыынан бу испииһэккэ 24 оройуон 121 нэһилиэнньэлээх пууна киирбит. 8 тыһыынчаттан тахса олорор дьиэ, социальнай суолталаах 20, экономика 17 эбийиэктэрэ (нефтебазалар, салгын тырааныспара түһэр-көтөр балаһалара, газопроводтар) ууга барыахтарын сөп.

«Материальнай резервэни үөскэтэр туһугар бу улуустары кытта ыкса ситимнээхтик үлэлиибит, биллэрэр-иһитиннэрэр систиэмэни бэрэбиэркэлиибит, тустаах үөрэхтэри ыытабыт. Тыҥааһыннаах быһыы-майгы үөскээтэҕинэ, управление киинэ муниципалитеттарга баар биир кэлимсэ диспетчэрскэй сулууспалар нөҥүө суһаллык салайыаҕа», — диир Дмитрий Лепчиков.

Халааны утары тэрээһиннэр үс түһүмэххэ араарыллан ыытылаллар. Ол курдук, ыам ыйын 1-20 күннэригэр Алдан, Өлүөнэ, Таатта өрүстэргэ халааны куттала суох аһарыыны хааччыйыахтаахтар. Ыам ыйын 21 күнүттэн бэс ыйын 10-гар диэри Янаҕа, Халамаҕа, Индигииргэ итинник үлэ барыахтаах. Үһүс түһүмэххэ ардахтан халаан тахсыбатыгар болҕомто ууруллуоҕа.

Следите за самым важным и интересным в Telegram-канале и WhatsApp-группе ЯСИА
Тутаах тыллар