Күндү металлары сокуоннайа суохтук эргитиинэн дьарыктаммыт тэрээһиннээх бөлөх салайааччытыгар суут бириигэбэрэ тахсыбыт.
Суут быһаарбытынан, коммерческай тэрилтэ 53 саастаах урукку салайааччыта Өймөкөөн улууһун биир сиригэр көмүс хостуур бөлөх тэриммит. Бу бөлөх кыттыылаахтара 80 мөл. солк. сыаналанар 45 киилэттэн тахса ыйааһыннаах кыһыл көмүһү уоран хостообуттар.
Маны таһынан, ол булбут көмүстэрин атыылаан-батаран, 25 мөл. солк. кэриҥэ сууммалаах дохуот киллэриммиттэрэ эмиэ дакаастаммыт.
Суут урааҕынан тэрээһиннээх бөлөх салайааччыта 3 сыл усулуобунай миэрэнэн накаастаммыт уонна ыстараап төлүөхтээх.
Бу туһунан СӨ ИДьМ-тын пресс-сулууспата иһитиннэрдэ.
Биһиги корр., «Саха сирэ» хаһыат, edersaas.ru
