«Биир ньыгыл Россия» баартыйа инстаграм сирэйигэр куонкурус кыттыылаахтарын видеолара таҕыста. «Крепкая семья» федеральнайдааҕы бырайыак Саха сиригэр 25 сылтан кырата суох дьоллоохтук олорбут дьиэ кэргэттэргэ куонкурус саҕаламмытын биллэрбитэ, тустаах пресс-сулууспа иһитиннэрэр.
«Крепкая семья» баартыйа бырайыага дьиэ кэргэн институтун бөҕөргөтөр, бырааптарын көмүскүүр уонна үйэлээх ыал үгэстэрин, сыаннастарын тэнитэр сыаллаах ыытыллар.
«Тапталга уонна эрэллээх буолууга олоҕурбут дьиэ кэргэттэр историялара, уйгулаах олохторун үлэнэн, оҕону иитиинэн ситиспиттэрэ эдэрдэргэ холобур буолар»,– диэн бырайыагы сүрүннээччи Алена Атласова кэпсээтэ.
Билигин куонкурус иккис түһүмэҕэ саҕаланна, видеороликтары хомуйуу түмүктэннэ. Үлэлэри инстаграмҥа er_yakutia14 көрүөххэ уонна сөбүлээбит ыалгытын бэлиэтиэххитин сөп.
