183,3 км регионнааҕы суол уонна 22,3 км суол Дьокуускай куоракка 2020 сылга «Куттала суох уонна хаачыстыбалаах массыына суола» национальнай бырайыак чэрчитинэн тутуллуо. Бырайыак иккис сылын көрдөрүүтэ былырыыҥҥыны кытта тэҥнээтэххэ 27 %-нан үрдүк.  Бу туһунан тырааныспар министиэристибэтэ СИА-ҕа иһитиннэрдэ. 


2020 сылга «Куттала суох уонна хаачыстыбалаах массыына суола» национальнай бырайыак  чэрчитинэн «Алдан» суол Дьабарыкы-Хайа — Солоҥдо үрэх учаастагар уонна «Кэбээйи» регионнааҕы суол тутуллуохтара. Түгэн үрэхтэн суол учаастага уонна Кэбээйи улууһугар муоста тутуута 2020 сыл сэтинньитигэр арыллыахтара. «Кэбээйи» суолун тутуутун түмүктээһин — тустаах улуус эрэ сайдыыта буолбакка, бүтүн өрөспүүбүлүкэни хабыаҕа.

2020 сылга Мэҥэ Хаҥалас улууһугар «Абалаах» суол тутуута салҕаныа. Бу суол тутуута 20 сыллааҕыта саҕаламмыта. Суол Майаттан саҕалаан, Чурапчы улууһугар тиийэр, «Халыма» федеральнайдааҕы трассаҕа уонна «Амма» регионнааҕы суолга быһа тахсар.

Өрөмүөн үлэлэрэ Амма, Нам, Анаабыр, Умнас, Дьааҥы, Бороҕон, Уолба-Булуҥ суолларыгар ыытыллыа. Уопсайа 33 регионнааҕы уонна 22 куорат суоллара оҥоһуллуохтара.

0
0
comments powered by HyperComments