«Арктика учуутала» диэн үөрэх министиэристибэтин бырайыага оскуола оҕолорун, абитуриеннары, устудьуоннары, исписэлиистэри хабан үлэлиэ. Оскуола саҕаттан эдэр дьону учуутал идэтигэр угуйан, инникитин хоту баран үлэлииллэригэр көҕүлүө.


Үөрэх миниистирин бастакы солбуйааччы Михаил Присяжный бырайыак арктика оройуоннарыгар үөрэх хаачыстыбатын тупсарарга уонна учууталлары тардарга аналлаах диир.

Бырайыак чэрчитинэн хоту барар учууталларга айан ороскуотун, саҥа сиргэ олохсуйарга бастаан утаа туттан эрэргэ көмө харчы, ону таһынан биир кэмнээх 250 тыһ харчы төлүөхтэрэ. Ону таһынан хоту барар учууталлар өрөспүүбүлүкэ суотугар эбии үөрэнэллэрин, талан барбыт сирдэригэр дьиэлэнэллэрин туруорсуохтара.

«Арктика учуутала» диэн биэдэмистибэ бырайыага абитуриеннары эрэ буолбакка оскуола саастаах оҕолору кытары хабыа. ХИФУ иһинэн педагогическай кылаастар үлэлиэхтэрэ. Бырайыак оскуола оҕолоро эрдэттэн учуутал идэтин талалларыгар ананыа. «Ону таһынан учууталлар хоту бөлөҕүнэн баралларын тэрийиэхпит. Соҕотох киһи олохсуйара ыарахан, элбэх киһи көхтөөх буолар», — диир Михаил Присяжный.

Быйыл ХИФУ педагог идэтигэр 153 миэстэ көрүллүбүт. Онтон аҥарыттан ордуга хоту баран үлэлиир учууталларга анаммыт.

Сиһилии манна аах https://ysia.ru/minobrnauki-yakutii-v-2020-2021-uchebnom-godu-nachnet-realizatsiyu-proekta-uchitel-arktiki/

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.