2 №-дээх өрөспүүбүлүкэтээҕи балыыһаҕа – Суһал медицинскэй көмө киинигэр баһаартан сэрэтэр сигнализация үлэлээбитэ. Диспетчер суһаллык төрдүс этээскэ уот турбутун туһунан иһитиннэрбитэ.
Манна балыыһа бастакы хирургическай отделениета түбэспитэ. Умайыы биир палаатаҕа тахсыбыт. Отделение сиэстэрэ-хаһаайката хаһыытаата:” Алтыс балаатаҕа умайыы!” Дьуһуурунай быраас Игорь Михайлов балаатаҕа ыстанар, ыарыһахтары таһаарарга бэлэмнэнэллэригэр дьаһайар. Бу балаатаҕа сиэстэрэ уонна быраас сүүрэллэр. Кинилэр балаатаҕа баһаарынай рукавы тардаллар уонна дьуһуурунай бырааһы кытта уоту умуллараллар.
Ити кэмҥэ дьону таһаарарга эппиэтинэстээхтэр атын отделениелартан персоналы уонна ыарыһахтары таһааран бараллар. Кирилиэскэ дьон тоҕуоруһар.
Балыыһаҕа баһаар буолар түгэнигэр эмп үлэһиттэрэ хайдах дьаһаналларын бэрэбиэркэлиир үөрэх ити курдук ыытылынна. Эппиэтинэстээх дьон эбээһинэстэрин толороллорун көрдөрдүлэр, чопчу уонна тэрээһиннээхтик дьаһаннылар.
СИА.
