Лесоохрана тэрилтэ быһаарарынан, ойуур баһаара тахсыытын сүрүн биричиинэтинэн киһи буолар. 14 уоту кытта сэрэҕэ суох туттуу таһаарыллыбыта бэлиэтэннэ. Бэрэбиэркэ түмүгүнэн, холуобунай уонна административнай дьыалалар тэрилиннилэр, СИА-ҕа экология министиэристибэтэ иһитиннэрдэ.
ГПН ФПС дознавателлэрэ, ИДьМ сотрудниктара уонна олохтоох лесничестволар ыыппыт үлэлэрин түмүгэр барыллаан 14 киһи уоту кытта сэрэҕэ суохтук туттубута булулунна. Ол түмүгэр барыта 15 ойуур уота Бүлүү, Горнай, Уус Алдан, Хаҥалас, Томпо, Чурапчы, Өлүөхүмэ, Орто Халыма уонна Сунтаар улуустарыгар турда.
Ааспыт өрөбүллэргэ Амма улууһугар эмиэ биир түбэлтэ бэлиэтэннэ, бэрэбиэркэ ыытыллар.
2020 сыл баһаар куттааллах сезонугар барыта 115 боротокуол туолла. Административнай ыстыраап уопсай суумата 2 039 000 солк., ол иһигэр:
– тус сирэйдэргэ – 18, суумата 49 000 солк.;
– дуоһунастаах сирэйдэргэ – 2, суумата 40 000 солк.;
– юридическай сирэйдэргэ – 11, суумата 1 950 000 солк.
