29 Кулун тутар 29.03
  • -14°
  • $ 92,26
  • 99,71

11 саастаах кыыс оҕо суол быһылааныгар өлүүтүгэр силиэстийэ бара турар

14:59, 12 октября 2016
Текст:
Читайте нас на
Яндекс Новости
ЯДВ

Дьокуускайга алтынньы 8 күнүгэр суолга тахсыбыт быһылаан түмүгэр 11 саастаах кыыс оҕо суорума суолламмыта. Дьыаланы куорат борокуратуурата силиэстийэ отделыгар биэрдэ.


Алтынньы 8 күнүгэр 18 чаас 44 мүн. саҕана Чернышевскай аатынан уулусса 80 №-дээх дьиэтин таһыгар «Isuzu NQR75P-A» массыына итирик суоппара сатыы дьон суолу туоруур сирдэринэн баран испит кыыһы түҥнэри көппүтэ. Суолга быһылаан кэнниттэн суоппар куоппут, оҕо эчэйииттэн тута олоҕо быстыбыт.

Суолга куттал суох буолуутун инспекциятын үлэһиттэрэ 40 мүнүүтэ иһигэр итирик суоппары булбуттар уонна дьуһуурунай чааска аҕалбыттар.

Алтынньы 9 күнүгэр силиэстийэлиир управление бу киһиэхэ буруйдааһыны оҥорбута.

Билигин холуобунай дьыала тула силиэстийэ бара турар, уорбаланааччыны хаайдылар.

Быһылааны көрбүт, туоһу буолуон сөптөөх дьон силиэдэбэтэл И.Е. Сивцевка маннык нүөмэргэ 8(4112) 34-44-36 эрийэргитин эбэтэр Дьокуускай к., Короленко аатынан уулусса, 2-гэр 210 кабинекка кэлэргитин күүтэллэр.

Следите за самым важным и интересным в Telegram-канале и WhatsApp-группе ЯСИА